az | ru | en
Tibbi Xidmətlər
Son elanlar
Ramazan bayramı ilə əlaqədar ÖDƏNİŞSİZ müayinə
Ramazan bayramı ilə əlaqədar 22-23 iyun tarixlərində Tədris...
ƏZİZ VALİDEYNLƏR!
Azərbaycanın aparıcı uşaq həkimləri, professorlarımız -...
Assit.prof. Enes Elvin Gül 20-27 may tarixlərində Azərbaycan Tibb Universitetinin Tədris Terapevtik Klinikasında Aritmiya xəstəliyindən əziyyət çəkən xəstələri qəbul edəcəkdir.
  Qəbula yazılmaq üçün - 050 304 07 67...
Laborator Analizlərin Nəticələri
Bizim Həkimlər
Sual cavab
Qəbula yazılma
Xəbərlər
06.06.2017
Klinikamızda Pediatr Endokrinoloqlar Cəmiyyətinin növbəti iclası keçirildi

Azərbaycan Tibb Universitetinin (ATU) Tədris Terapevtik Klinikasında pediatr endokrinoloqlar cəmiyyətinin növbəti iclası keçirilib.

İclasda cinsiyyətin formalaşması, uşaqlarda gender identikliyi və psixoseksual inkişafın problemləri və bu mövzuya uyğun olan klinik hallar müzakirə olunub.

İclası çıxış edən Beynəlxalq Tibb Təlimi Kursunun təlimçisi Faiq Məmmədov "Cinsiyyətin formalaşmaının embrioloji, fizioloji, patoloji əsasları"ndan danışıb.

O, cinsiyyətin ana bətnindən başlayaraq hansı ardıcıl mərhələlərdən keçməsi, kişi və qadın cinsiyyətinin embrional inkişafının neçənci həftəsində formalaşmasını və hansı hormonal dəyişikliklərə məruz qalması haqda ətraflı məlumat verib.

Daha sonra "Uşaqlarda gender identikliyi pozuntusu və psixoseksual inkişafda problemlər" mövzusunda Bakı Dövlət Universitetinin əməkdaşı, psixoloq Günel Aslanova çıxış edib.

O, müxtəlif yaş dövrlərində qız və oğlanlarda baş verən psixoloji dəyişiklikləri, uşaqların öz cinsiyyətlərini necə başa düşmələri barədə danışıb və çoxsaylı suallara cavab verib.

Sonda 6 saylı uşaq klinik xəstəxanasının pediatr-endokrinoloqu Nabat Ağayeva "İkili cinsiyyətə aid klinik situasiyanın müzakirəsi" mövzusunda maraqlı klinik bir halı müzakirəyə verib və bununla da cəmiyyət növbəti iclasını başa vurub.

Copyright © 2011 - 2015. Azərbaycan Tibb Universitetinin Tədris-Terapevtik Klinikası! Bütün hüquqlar qorunur.